Duleep Trophy India ka ek bada domestic first-class cricket tournament hai, jo BCCI organize karta hai since 1961-62

Iska naam hai Kumar Shri Duleepsinhji ke naam pe, ek purana Indian cricketer jo England ke liye khelta tha. Normally ye teams zones se banti hain, jaise North, South, East, West, wagaira, but 2024-25 mein format thoda alag tha; four teams thi, India A, B, C, aur D; jo selectors ne chuni thi. Is baar round-robin style mein khela gaya, no knockouts, jo team sabse zyada points banati hai, woh jeet jati hai.

Duleep Trophy bada mauka deta hai naye aur purane players ko apna talent dikhane ka. Ye ek tarah ka stepping stone hai Indian national team ke liye. Red-ball cricket ke liye practice milti hai, jo Test matches ke liye zaroori hai. Selectors isko closely dekhte hain, so agar koi acha perform kare, uska chance ban sakta hai India ke liye khelne ka. Plus, isme big players bhi khelte hain, jaise KL Rahul, Shubman Gill, to domestic cricket ka level bhi high rehta hai. Ye ek prestigious tournament bhi hai, West Zone ne sabse zyada 19 baar jeeta hai.

Bohot se naye players ne Duleep Trophy se apna naam banaya aur baad mein international level pe chhaye. Kuch examples:

1. Yashasvi Jaiswal: Ye banda West Zone aur India B ke liye khela. 2024 mein England ke khilaf Test mein double century maara aur Zimbabwe, Sri Lanka mein bhi dhoom machayi. Duleep Trophy mein uski solid batting ne usko national team mein jagah dilayi.
2. Riyan Parag: India A ke liye 2024 mein khela, half-centuries banaye. T20I aur ODI debut kiya 2024 mein, Sri Lanka ke khilaf wickets bhi liye. Uska all-round game Duleep Trophy mein dikha tha.
3. Dhruv Jurel: India A ka wicketkeeper-batter, 2024 mein England ke khilaf Test debut kiya. Duleep Trophy mein uski batting aur keeping ne selectors ko impress kiya.
4. Ishan Kishan: India C ke liye 2024 mein century maara. Contract se bahar hone ke baad is tournament mein usne apna comeback case strong kiya.

2024-25 ka Duleep Trophy 5 September 2024 se shuru hua tha aur 22 September tak chala. Anantapur, Andhra Pradesh mein zyadatar matches hue, ek match Bengaluru mein tha. India A jeeta is baar. 2025-26 ke liye BCCI ne kaha hai ki purana zonal format wapas aayega, but exact date abhi nahi pata (end of August 2025 possibly). Usually September ke shuru mein hota hai, so BCCI ke website pe check kar lena.